Wata mata mai shekaru 29 daga Florida ta shiga hannun hukuma bayan an kama ta da wani babban laifin zamba a harkar lafiya.
Autumn Marie Bardisa ta shafe sama da shekara guda tana yiwa kanta suna a matsayin jinya a asibitin AdventHealth Palm Coast, inda ta kula da marasa lafiya sama da 4,400 da lasisin jinya na bogi.
Read also: Kano Airport Culture: A Call to Action for Better Experiences at MAKIA
Ta yi amfani da lambar lasisin wata ma’aikaciyar jinya ta gaskiya mai suna daya da ita, ba tare da sanin waccan mace ba.
An gano damfarar ne lokacin da aka ba ta tayin karin matsayi, sai wani abokin aiki ya bincika lasisinta ya gano cewa kawai tana da tsohon lasisin nursing assistant wanda ya kare.
Read also: KNHA Passes 2026 Budget, Holds Valedictory for Late Lawmakers
Abin da jami’an bincike suka gano ya fi ban mamaki: an zarge ta da sayar da magunguna ga abokan aikinta, ta rika yiwa mata allurar hana daukar ciki, har ma ta kammala shirin koyon aikin jinya na hukuma na asibitin da sunan sata.
Shugaban ’yan sandan Flagler County ya ce wannan shi ne “daya daga cikin mafi muni a cikin dukkanin shari’o’in zambar lafiyar da muka taba bincikowa.”
Read also: Kokarin Yaki Da Dabi’un Cin Zarafun Mata A Kaduna Da Yadda Kwalliya Ke Biyan Kudin Sabulu
Abin mamaki shi ne: bayan kama ta, ta zauna ta rubuta jarabawar jinya ta gaskiya, ta kuma ci ta samu lasisi na ainihi.
Idan ta iya cin jarabawar, me ya sa ta dauki hadarin satar sunan wani tsawon watanni 18?