A Kannywood, ana ta samun sauye-sauye, musamman a ɓangaren shirya fim da kasuwancinsa, inda daga CD aka koma sinima, yanzu aka koma YouTube, sannan ake ta hanƙoron shiga manhajojin duniya ka’in da na’in.
A wannan shekarar, kamar kowace shekara, masu shirya finafinan Kannywood sun taka muhimmiyar rawa wajen tsarawa da fitar da finafinai masu kyau, waɗanda suka ƙayatar da masu kallo.
Read also: Tinubu Zai Dawo da Tallafin Man Fetur na Wata Ɗaya
Tun bayan komawa ɗora finafinai a YouTube, yanzu za a iya cewa harkokin Kannywood sun fara komawa yadda suke a baya, bayan a baya masana’antar ta fara durƙusawa.
Wannan ya sa BBC ta tankaɗe, ta rairaye, sannan ta zaƙulo wasu finafinai da suka yi tashe a shekarar 2024.
Sai dai finafinan na bana dukka masu dogon zango ne, wanda hakan ke nuna yadda masana’antar ta sauya, da kuma hanyar da ta dosa domin ɗorewarta.
Da farko da aka fara finafinai masu zango, an yi tunanin ƙananan masu shirya fim ne kawai suka yi, su ɗora a YouTube, har ma wasu suke ganin ba su da inganci. Amma yanzu an wayi gari manyan furodusoshin Kannywood sun shiga ana damawa da su.
Daga cikin finafinan da muka zaƙulo, akwai waɗanda ba a shekarar 2024 aka fara su, amma sun ja hankalin mutane a shekarar.
Ga yadda jerin fina-finan ya kasance a cikin shekarar gwargwadon nazarin da muka yi:
Labarina
Labarina fim ne mai dogon zango na fitaccen darakta, Malam Aminu Saira, wanda sunansa ya riga ya yi amo, ta yadda ba ya buƙatar gabatarwa ga dukkan masu kallon finafinan Hausa.
Fim ne mai tsari shigen labarin ‘Dare dubu da ɗaya’, inda daga wannan labarin za a shiga wani labarin daban, wanda a cewar daraktan, hakan zai sa fim ɗin ya daɗe ba tare da ya salance ba saboda ba labari ɗaya ba ne.
A shekarar 2020 aka fara fim ɗin da labarin Sumayya wato Nafisa Abdullahi wadda daga baya ta rikiɗe ta koma Fati Washa, wanda a ƙarshen zango na bakwai aka dakata da labarin Sumayya, aka tafi hutu.
Amma yanzu labarin ya koma na Alhaji Mainasara wato Sadiq Sani Sadiq, wanda aka fara daga zango na takwas, kuma yanzu haka ana zango na 11.
Labari ne kan yadda Alhaji Mainasara ya ɓatar da kama, ya fito a matsayin talaka domin samun soyayya ta gaskiya bayan wahalar da ya sha a farko, inda ya haɗu da Jamila wato Amina Uba Hassan, ya nuna mata ƙauna.
Daga bisani ya tura mata direbansa da sunan yana da arziki, ita kuma ta amince da shi, maimakon Mainasara.
Ana cikin haka ita kuma ƙawarata, Maryam wato Fatima Hussaini ta amince za ta aure shi a haka. Bayan aure komai ya fito fili.
The Kannywood Icon: Abba El-Mustapha
Amma daga baya matsalar jina da ta sa Maryam ba za ta haihu da shi ba ta sa aura Dokta Asiya wato Diamond Zahra.
Fim ɗin ya fitar da jarumai mata waɗanda yanzu ake yi da su a masana’antar irin su Firdausi Yahaya da Fatima Hussaini da Amina Uba Hassan da sauransu.
Yawancin fitowar fim na mako na samu masu kallo sama da miliyan 1.
Manyan Mata
Fim ɗin Manyan Mata shi ma ba a shekarar 2024 aka fara ba, amma yana ci gaba da jan masu kallo.
Fim ne da ya tara manyan jarumai masu yawan gaske, wanda za a iya cewa ba a saba ganin hakan ba.
Furodusa Abdul Amart Maikwashewa ne ya shirya, kuma ya ɗauki nauyi, sannan Sadiq N. Mafia ya fara bayar da umarni, daga baya Ali Gumzak ya cigaba.
A fim ɗin an nuna yadda wasu mata suke shan wahala a gidajen miji da ƴan gudun hijira da sauran mata talaka, da yadda wasu suke amfani da damar da suke da ita cin zarafinsu.
Sannan a gefe guda kuma, akwai mata biyu wato Laila (Hadiza Gabon) da Nadia wato Aisha Tsamiya wadda aka maye da Rabiatu Ƙafur da suke ƙoƙarin ƙwato ƴancin mata da ƙungiyarsu ta ‘Manyan Mata’, tare da ƙoƙarin nuna amfanin ilimin ƴaƴa mata.
Star Of Kannywood: Sani Danjas Rise To Stardom Within Few Years
Yanzu dai kallo ya koma sama, bayan rikici ya ɓarke a tsakaninsu.
Kusan duk wani babban jarumi a Kannywood suna cikin fim ɗin, har da waɗanda aka daɗe ba a ji ɗuriyarsu ba.
Yanzu haka furodusan shirin Abdul Amart ya sanar da cewa suna gab da kammala ɗaukar zango na huɗu na shirin.
Read also: Katsina: Mutane 5 Masu Muƙaman Siyasa Sun Yi Murabus
Yawancin fitowar fim ɗin a mako yana samun masu kallo kusan 500,000.
Gidan Sarauta
Gidan Sarauta na cikin finafinai masu dogon zango na furodusa Abubakar Bashir Maishadda, wanda yake jan hankalin masu kallo.
An fara fitar da fim ɗin ne a ranar 5 Nuwamban 2023, kuma yanzu ana zango na uku, kuma jarumi Umar M. Shareef da jaruma Mommee Gombe ne suke jan fim tare da taimakon Garzali Miko da Aisha Najamu.
Ali Nuhu da Hadizan Saima da Yakubu Mohammad da Rabiu Rikadawa da Abale duk suna cikin fim ɗin.
An gina fim ɗin ne a kan Umar M. Shareef wanda ya fito a yarima mai jiran gado ya faɗa soyayya da ƴar talaka, Bintu (Momme Gombe) amma bai bayyana ba, daga ƙaninsa ya riga shi aurenta.
Zainab Indomie: Beauty, Talent, and Resilience in Kannywood
Amma sai aka gane akwai wani abu a tsakaninsu, wanda hakan ya sa ƙanin ya sake ta, shi kuma ya aura. Wannan ya sa aka yi fushi da shi, aka ba shi zaɓin ko dai Bintu ko sarauta, inda ya zaɓi matarsa, ya haƙura da sarautar.
Daga bisani shi ma Garzali ya hango yarinyar Tafida, wato Badariyya (Firdausi Yahaya) inda ya faɗa kogin ƙauna, amma yana tsoron shiga halin da yayansa yake ciki.
Ali Nuhu ya ba da umarnin fim ɗin, wanda dukkan jaruman suka dage wajen fitar da labarin fes.
Garwashi
Garwashi fim ne da aka fara fitarwa a ranar 12 ga watan Agustan 2024 a YouTube.
An shirya fim ne a kan ƙalubalen da matan da mazajansu suka rasu suke fuskanta daga wurin ƴanuwa da mutanen gari.
Jarumar da ja shirin, Asma’u wato Firdausi Yahaya tana shan fama daga dangin mijinta da ƴanuwanta da ma wuraren da take aiki.
Rahama Ibrahim Sadau: A Star in Multiple Film Industries
Fitacciyar marubuciya Fauziyya D. Suleiman ce ta tsara labarin, sannan fitaccen darakta Yaseen Auwal ya ba da umarni.
Fim ya ɗauki hankalin masu kallo sosai cikin ƙankanin lokaci musamman ganin yadda jarumar take shan wahala.
Allura cikin ruwa
Fim ne da aka shirya kan Na’ima wato Rukky Ali, wadda marainiya ce, wadda aka tsinta bayan an kashe mahaifiyarta, wato Firdausi Yahaya.
Daga baya maza irin su Maina wato Yakubu Mohammad wadda take wa kallon ƙanin mahaifi , da Alhaji Hadi wato Sani Danja da Dr Hashim wato Adam A. Zango da Sadiq wato Isa Ferozhkan wanda suka daɗe suna soyayya, duk suka nuna sha’awar aurenta.
The Rise of Hadiza Gabon: From Gabon to Kannywood Stardom
Daga baya aka gano ashe tana da tarin dukiya da aka rasu aka bar mata.
Saboda soyayyarta ce Maina ya fallasa cewa Tijjani Faraga ba mahaifinta ba ne, don haka ya ce babu laifi don ya aure ta.
Kamfanin 2Effects ne ya ɗauki nauyin shirin, sannan Yakubu Mohammed ya ba da umarni. Yanzu ana zango na biyu.
BBC HAUSA
Read also: KIRS seeks wider tax compliance to boost Kano revenue