Zanga-zanga ta ɓarke a kudancin China sakamakon cin zarafin wata ɗaliba ƴar shekara 14 inda mutane ke ta neman a yi mata adalci.
A makon da ya gabata ne wani bidiyo da a ciki wasu sa’annin yarinyar suke zabga mata mari da kuma tilasta mata tsayawa kan gwiwoyinta ya karaɗe shafukan sada zumunta a birnin Jiangyou da ke Lardin Sichuan.
Read also: Jirgin Sama Ya Yi Saukar Gaggawa Bayan Rikici Tsakanin Matuka
Ƴansanda sun ce yaran da ake zargi da cin zarafin ɗalibar – dukkansu mata ne ƴan shekara 13 da 14 da kuma 15, kuma an tura biyu daga cikinsu makarantu na musamman domin gyara masu tarbiyya.
Bayan da labarin yarinyar ya bazu a shafukan sada zumunta, wasu da dama na ganin an yi sassauci a matakin da aka ɗauka kan waɗanda ake zargi – musamman bayan iƙirarin da ke nuna cewa an ɗaɗe ana cin zarafin yarinyar kuma mahaifiyarta, wadda kurma ce, ta roƙi hukumomi su yi wa ɗiyarta adalci.
Read also: Northwest Safe School Summit: Stakeholders Call for Action, Accountability
Lamarin dai ya fusata mutane da dama har ma zanga-zanga ta ɓarke a wajen ofisoshin ƙaramar hukumar dake Jiangyou.
Fiye da mutum 1,000 ne suka taru kan titi jiya Litinin inda suka kai har tsakaddare a wajen, kamar yadda masu shaguna da ke wurin suka bayyana.
Read also: NiMet Pushes AI, SMS Weather Advisories for Farmers
Ɗaya daga cikinsu ya shaida wa BBC cewa “lamarin ya ƙazanta” bayan da ƴansanda suka tarwatsa mutanen da suka taru.
BBC HAUSA