- Makaranta mai zaman kan ta, Prime College Kano ta bayyana ƙin amincewarta kan matakin da Hukumar Kula da Makarantun Masu Zaman Kansu KSPVIB, na ƙoƙarin rufe makarantar sakamakon sabani kan karin kuɗin makaranta.
A cikin wata sanarwa da lauyoyin makarantar, ƙarƙashin Aliant Qais Conrad Laureate su ka fitar a yau Juma’a, makarantar ta ce dole ne ta bayyana matsayinta bayan da aka kai mata umarnin kotu daga Wata Kotun Majistare a Kano, wacce ta umarrci ta janye karin kuɗin makarantar na shekarar karatu ta 2025/26.
KSPVIB to Monitor Private Schools for Quality Assurance
A watan Yuli 2025, Prime College ta sanar da karin kuɗin makaranta na shekarar karatu mai zuwa, tana mai cewa hauhawar farashi da buƙatar kiyaye ingancin koyarwa da gine-gine ne suka sa hakan.
Hukumar makarantar ta bayyana cewa, sun ba da sassaucin biyan kuɗi ga iyaye, tare da tabbatar da cewa babu ɗalibin da za a hana karatu saboda kasa biyan kuɗin makaranta
A cewar makarantar, fiye da kashi 94% na iyaye sun biya sabon farashin, amma ƙasa da iyaye 20 ne suka ƙi, inda su ka kai ƙara ga PVIB don ta shiga tsakani.
Prime College, Others Shut Down in Kano for Violating Education Regulations
Sanarwar ta ce Shugaban hukumar ta KSPVIB, Malam Baba Abubakar Umar, ya kai ziyara makarantar tare da su waɗannan iyaye da su ka yi tutsu, inda ya kafa wani kwamitin gaggawa na iyaye daga cikin mambobin PTA da ya ƙunshi iyaye 8 da malamai 5.
Sanarwar ta kara da cewa kwamitin ya kada ƙuri’a a goyon bayan karin kuɗin, amma daga bisani KSPVIB ta ce zaman bai yi daidai ba, sannan ta bayar da umarnin a gaggauta janye karin kuɗin.
Hukumar makarantar ta yi zargin cewa ƙoƙarin tuntubar shugabannin PVIB ya gamu da “cin mutunci da kuma kunyatr wasu a bainar jama’a.”
A ranar Laraba, 17 ga Satumba, makarantar ta samu umarnin kotu daga wata Kotun Majistare a Kano, wanda ke hana ta aiwatar da sabon karin kuɗin da kuma dakatar da ayyukan makarantar.
Prime College ta ce tana nazarin daukar matakin doka domin samun adalci a kotu, inda ta sake jaddada cewa tana aiki bisa ka’ida, tana mai gargadi cewa dakatar da ilimin yaran da ba su da laifi zalunci ne.
“Bai dace ba a dakatar da karatun yaran da ba su da laifi, ko da na rana guda ne — balle na makonni — ba tare da sauraron ɓangarenmu na magana ba,” sanarwar ta ƙara da cewa.
Daily Nigerian Hausa